أدوات و إرشادات

أهمية وفوائد اختصار الروابط

اختصار الروابط - مدونة بالشفا للأطباء

طول وشكل الرابط (Link) للمحتوى العربي (المكتوب باللغة العربية) بيبقى مزعج أما بنحب نبعت الرابط لحد في رسالة نصية (SMS) أو ننشره على مواقع التواصل الإجتماعي. مثال بسيط للتوضيح، لو عيادة عندها موقع الكتروني عليه صفحة اسمها “اتصل بنا” والرابط بتاعها فيه كلمه “اتصل-بنا”

https://www.clinic.com/اتصل-بنا/

شكل الرابط بيبقى:

https://www.clinic.com%2F%D8%A7%D8%AA%D8%B5%D9%84-%D8%A8%D9%86%D8%A7%2F

ولو اختصرنا الرابط شكله هيبقى:

https://is.gd/dorqkx

 

ولو عندنا مقالة الرابط بتاعها:

http://articles.blshefa.com/اضافة-عيادة-ل-جوجل-نشاطي-التجاري/

شكل الرابط بيبقى:

http://articles.blshefa.com/%D8%A7%D8%B6%D8%A7%D9%81%D8%A9-%D8%B9%D9%8A%D8%A7%D8%AF%D8%A9-%D9%84-%D8%AC%D9%88%D8%AC%D9%84-%D9%86%D8%B4%D8%A7%D8%B7%D9%8A-%D8%A7%D9%84%D8%AA%D8%AC%D8%A7%D8%B1%D9%8A/

ولو اختصرنا الرابط شكله هيبقى:

http://bit.ly/2vrRdQg

 

بالاضافة لطول وشكل الرابط، معظم ادوات اختصار الروابط بتوفر لنا احصائيات عن عدد مرات الدخول على الرابط للروابط ال تم اختصارها.

 

أشهر خدمات اختصار الروابط:

 

جوجل وقفت استخدام خدمة اختصار الروابط goo.gl بالنسبة للمستخدمين الجدد يوم 13/4/2018، المستخدمين الحاليين للخدمة يقدروا يستخدموها لغاية 30/3/2019. الروابط ال تم اختصارها عن طريق الخدمة هتفضل تشتغل عادي لكن المستخدم مش هيقدر يشوف الاحصائيات أو يختصر روابط جديدة.

لو هنستخدم Bit.ly أو Bit.do يستحسن اننا نعمل حساب (Account) عشان نقدر نشوف الاحصائيات الخاصة بالروابط ال تم اختصارها، وعشان نقدر نعمل custom Links لو بنستخدم Bit.ly وعشان نقدر نخلي الاحصائيات Private لو بنستخدم Bit.do لأن في خدمة Bit.do لو اي حد اضاف “-” في اخر الرابط المختصر هيقدر يشوف الاحصائيات الخاصة بالرابط ده، مثال

http://bit.do/eeCi8-

بالنسبة لخدمة TinyURL فهي مش بتوفر إحصائيات عن الروابط، وبالنسبة لخدمة is.gd فهي بتوفر إحصائيات عن الروابط لو اختارنا الخاصية اثناء اختصار الرابط ولكن اي حد يقدر يشوف الاحصائيات لو اضاف “-” في اخر الرابط المختصر زي bit.do

أخر حاجة وهي مهمة جدا، هي اختيار خدمة اختصار روابط موثوق فيها لأن اعطال ال Servers الخاصة بالخدمة له تأثير سلبي على تجربة زوار الروابط المختصره بتاعنا.