مواضيع عامة

أفضل ١٢ طريقة تجذب بيها مرضى أكتر لعيادتك

طبيب في مستشفى

التسويق ضروري لنجاح أي عمل، والخدمات الصحية مش استثناء. لنمو الممارسة الطبية، الطبيب لازم  يشوف من ٣٠ إلى ٥٠ مريض جديد كل شهر. في حين أنه من المهم الحفاظ على العلاقة مع مرضاك الحاليين، فإنه من المهم بنفس القدر تنمية ممارستك وإضافة مرضى جدد. وعشان تجذب مرضى جدد، لازم تقدم خدمات طبية متميزة للمرضى.

١٢ طريقة للحفاظ على العلاقة مع المرضى الحاليين وجذب مرضى جدد:

١- اتعرف على مرضاك المستهدفين:

قبل ما توصل للمرضى المحتملين، محتاج تفهم مرضاك الحاليين. إلق نظرة على سجلات العيادة  وراقب متوسط العمر، والجنس و المهنة ومحل إقامة مرضاك الحاليين. البيانات دي هتساعدك إنك تفهم احتياجات مرضاك الحاليين وهتساعدك في تحديد مواصفات المريض المثالي بالنسبة لك فتقدر تحدد وسائل التسويق المناسبة لجذب شريحة المرضى المفضلة بالنسبة لك.

اقرأ ايضا: أزاي تعرف مرضاك وازاي ده يساعدك في تطوير ممارستك الطبية؟

٢ درب فريقك:

فريقك هو اللي بيتفاعل مع مرضاك قبل ما يقابلوك، بالتالي لازم تدرب الموظفين عشان يقدموا انطباع أول رائع و إنهم يجاوبوا أسئلة المرضى. فريق عملك مش بس لازم يعرف عن الخدمات اللي بتقدمها، لازم برضه يكون عندهم إجابات لتفاصيل محددة زي السعر والأدوات/الأجهزة المستخدمة خلال الكشف والمرضى يتوقعوا ايه خلال الكشف .

٣تواصل مع المجتمع و كن نشيط على وسائل التواصل الاجتماعي:

التواصل مع مجتمعك هيتيح لك فرصة تثقيف الناس وإنك توسع قائمة المرضى المحتملين. تقدر تعمل ندوة مثلا للأطفال وإزاي يهتموا بصحتهم ونظافتهم. الأهل مش بس هيقدروا ده ولكن ايضا هيستشيروك لما يحتاجوا طبيب .

ولما المرضى الحاليين يعملوا Like أو Share للمحتوى الخاص بك على وسائل التواصل الاجتماعي، كل الدايرة الاجتماعية بتاعتهم بتشوف ده. وبكده هيتم توجيه حركة المستخدم (Traffic) لصفحتك وده هيساعد في زيادة المرضى المحتملين.

البراعة إنك تنشر محتوى له صلة بالمرضى المستهدفين علشان ناس اكتر تشعر بالدافع لنشر محتواك.

٤- إبدأ مدونة (Blog):

التدوين (Blogging) بيضيف محتوى جديد لموقعك الشخصي ونشرك مقالات لها صلة بمجالك باستمرار على مدونتك هتبين إنك مطلع في مجالك بشكل جيد وإنك سعيد إن مرضاك يكونوا على اطلاع.
ممكن تقدم نصايح صحية، أو تنشر عن أي ندوة أو حدث محلي، وتشارك بالأخبار الجديدة عن عيادتك ” خدمة أو أجهزة جديدة أو عروض”.

تقدر تروج للمدونة من خلال مواقع التواصل الاجتماعي وده هيمكنك التواصل مع مرضاك الحاليين والمحتملين.

لو ما عندكش مدونة (Blog) تقدر تنشر مقالاتك من خلال منصة بالشفا عن طريق إنشاء حساب مجاني.

٥ الاهتمام بالتقدم التكنولوجي واستخدامه:

المرضى الشباب بيفضّلوا استخدام التكنولوجيا للحصول على الرعاية الصحية. فعلى سبيل المثال، بدل ما المريض يتصل بالعيادة علشان يحجز أو يلغي موعد الكشف، يقدر يحجز أو يلغي الموعد Online ويستقبل رسائل نصية (SMS) تفكره بميعاد الكشف/الاستشارة ورسالة اعتذار في حالة إلغاء الطبيب للموعد. وده تقدر تحققه بمنتهى السهولة من خلال استخدام انظمة حديثة غير مكلفة مثل منصة بالشفا أو غيرها. إذا المريض راضي عن الراحة اللي بتقدمها العيادة بتاعتك، فمن المرجح أنه هيرشحك للآخرين من معارفه.

٦ متابعة المرضى:

معظم العيادات والمستشفيات بيركزوا معظم مواردهم وأفكارهم علشان يجذبوا مرضى جدد. بس برضه الاحتفاظ بالمرضى الحاليين من الطرق السهلة والفعالة والموفرة علشان تكبر عيادتك.

الاهتمام بالعلاقات مع المرضى الحاليين هيزوّد نسبة ترشيحك لمرضى جدد.

٧ رشح أطباء آخرين:

تعزيز العلاقات مع الأطباء الآخرين هو طريق باتجاهين. هيهتم الأطباء الآخرين بترشيحك للمرضى إذا كنت بترشحهم لمرضاك. من الأفضل للمريض إنك ترشح له أفضل طبيب في مجاله.

٨ انشر صور حقيقية لعيادتك:

ضيف طابع شخصي على الموقع الالكتروني الخاص بيك وخليه انعكاس لعيادتك. بدل نشر صور عامة من الموجودة على الانترنت، انشر صور واقعية لفريقك وعيادتك على صفحات ال Facebook و Instagram الخاصة بالعيادة او بيك. الصور الواقعية هتعرض راحة عيادتك وهتضيف سمات شخصية لصفحاتك وهتخلي المريض عنده معرفة بالمكان وشكله من قبل الزيارة.

٩- سجل نفسك في الأدلة المحلية الإلكترونية:

حاليا معظم المرضى أما بيحتاجوا طبيب، بيبجثوا عن أي معلومات عنه على الإنترنت، ف إدراج عيادتك في دليل محلي على الانترنت زي  Google My Business و Yellow Pages و BlShefa وغيرهم، هو طريقة رائعة لتوجيه ال Traffic لموقعك وعيادتك.

اقرأ أيضاً: أهمية اضافة عيادتك ل Google My Business

            ازاي تضيف عيادتك ل Google My Business

١٠ الكتيبات والمواد الإرشادية:

الكتيبات والمواد الإرشادية الموجودة في عيادتك ممكن تكون أداة تسويقية فعالة. المعلومات المتاحة في كتيباتك أداة تعليمية  بتزود وعي المريض بحالته المرضية وممكن تساعدك في الوصول لمرضى جدد في حالة مشاركة المريض لها مع دايرة معارفه. ولتسهيل مشاركة المريض للكتيبات والمواد الإرشادية مع دايرة معارفه ممكن تنشر نسخة إلكترونية منها على مدونتك أو صفحات مواقع التواصل الإجتماعي الخاصة بعيادتك.

١١- شجع المراجعات عبر الانترنت ( Online Reviews ):

ال Reviews تعتبر من أكثر الطرق فاعلية لجذب مرضى جدد وتطوير ممارستك الطبية. شجع مرضاك انهم يشاركوا انطباعهم في Online Review من خلال Google My Business أو ال Facebook Page الخاصة بالطبيب/العيادة أو منصة بالشفا ال بتتيح للمريض تقييم زيارته للطبيب سواء الحجز تم عن طريق المنصة Online أو عن طريق العيادة. تقدر تحقق ده عن طريق رسالة نصية (SMS) للمتابعة مع المريض وشكره على زيارتك و تشجيعه أنه يكتب Online Review.  من خلال إذن المريض، تقدر تخلي تعليقاته عامة عن طريق نشرها على موقعك الإلكتروني أو على مواقع التواصل الإجتماعي. ده مش بس هيساعد على الحفاظ على علاقتك بالمريض ولكن اسمك هينتشر قدام المرضى المحتملين.

١٢- قدم خدمة عالية الجودة:

مافيش مجال مرضاك يرشحوك لآخرين لو كانوا غير راضيين عن طريقتك في التعامل وعن خدماتك. لازم تظهر اهتمام حقيقي بمرضاك.
أسلوبك في التعامل مع مرضاك وشكل عيادتك حاجة في غاية الأهمية.  اهتمامك براحتهم نقطة مهمة جدا تتحقق بسهولة عن طريق مثلا ارسال رسائل اوتوماتيكية لتذكير المرضى بالموعد أو الاعتذار عن تغيير الميعاد لو حصل اي ظرف. تقديم معلومات طبية عن طريق المدونة الخاصة يعتبر مظهر اهتمام ان المريض يكون على وعي. لازم تكون قادر على التواصل مع مرضاك بشكل جيد وان حضورك يكون ايجابي وراقي.                                                     

في النهاية عرفنا أن التسويق مهم لكل مجالات الأعمال حتى مجال الخدمات الصحية. وبخطوات بسيطة وغير مكلفة تقدر تجذب مرضى جدد.

  • فهمك لمرضاك الحاليين هيسهل عليك انك تلاقي افضل طرق لجذب المرضى الجدد.
  • تدريبك لفريقك هيسيب انطباع أول رائع مع المريض.
  • تواصلك مع المجتمع عن طريق الندوات وغيرها ونشر محتوى جذاب للمرضى على صفحات التواصل الاجتماعي هيزود ال Traffic لموقعك وهتوصل لمرضى اكثر.
  • التدوين بيضيف محتوى جديد لموقعك الشخصي وهيبين قد ايه انت مطلع في مجالك.
  • الاهتمام بالتكنولوجيا وتوفير تقنيات حديثة زي الحجز Online عن طريق تطبيقات زي BlShefa هتوفر راحة للمرضى.
  • اهتمامك بمرضاك الحاليين هيزود نسبة ترشيحك لمرضى جدد.
  • تعزيز علاقتك بالأطباء الآخرين وترشيحك لهم هيكون سبب للعكس.
  • نشر صور من الواقع على صفحاتك هتخلي المريض عنده معرفة بالمكان من قبل زيارته.
  • إدراج عيادتك في دليل على الانترنت زي Google My Business أو Yellow Pages أو BlShefa مهم جدا لسهولة وصول المرضى ليك.
  • الكتيبات والمواد الإرشادية ممكن تكون وسيلة سهلة وفعالة لتسهيل وصول المرضى ليك عن طريق معلومات الاتصال بيك المكتوبة عليها عند مشاركة المريض لها مع دايرة معارفه.
  • ال Online reviews مش بس هتحافظ على علاقتك بمرضاك الحاليين، دي كمان هتنشر اسمك قدام المرضى المحتملين
  • اهتمامك الحقيقي بمرضاك واحترامك لوقتهم وزيادة وعيهم الصحي هيكون دافع كبير لهم لترشيحك لمرضى آخرين.

   ابدأ حتى ولو بخطوات قليلة وما تستهونش بنتيجة الحاجات البسيطة اللي بنعملها لفترة طويلة (The Compound Effect) علشان فعلا هتحقق أثر كبير في نجاح شغلك.