مواضيع تقنية

ليه جوجل نشاطي التجاري مهم بالنسبة للعيادات والمراكز الطبية؟

يعتبر Google My Business من أهم الخدمات المجانية ال بتسمح لصاحب أي Business إنه يضيف ال Business بتاعه ومواعيد العمل ورقم التليفون وصور المكان وعنوان وموقع المكان والموقع الإلكترونى.

 

المثال ده هيوضح أهمية Google My Business أكتر، لو أنا في منطقة الشيخ زايد وبحثت عن ” طبيب أسنان ” عن طريق محرك بحث جوجل أو تطبيق خرائط جوجل هيظهر لى في نتيجة البحث معلومات عن أقرب 3 عيادات لموقعى ولو أنا حابب أشوف نتايج أكتر هضغط علي ” أعرض المزيد ” عشان أشوف باقي العيادات.

المعلومات ال بتظهر فى نتيجة البحث بتبقي أسم العيادة والعنوان ورقم التليفون ومواعيد العمل والموقع على الخريطة والموقع الإلكتروني بالإضافة إلى Reviews عن العيادة (للأسف أي حد ممكن يكتب Review عن العيادة).

اقرأ أيضاً: اعرف ازاي تاخد قرار ما تندمش عليه

 

 

فمن المهم جداً أن الطبيب أو مدير العيادة / المركز الطبى ينشئ حساب للعيادة / المركز الطبى عشان يبقى متأكد من صحة المعلومات ال بتظهر في نتايج البحث ويقدر يشوف معلومات (Insights) عن عدد مرات ظهور العيادة / المركز الطبي في نتايج محرك بحث جوجل وتطبيق خرائط جوجل ويقدر يشوف ال Reviews المكتوبة عن العيادة / المركز الطبي ويرد عليها.

 

لو الطبيب أو مدير العيادة / المركز الطبي ما اضافش العيادة أو المركز الطبي احتمال كبير جدا أي حد مشترك في Google Local Guides يضيف العيادة / المركز الطبي ويضيف البيانات وفي احتمال البيانات ال يدخلها تبقي مش دقيقة. ولو في Review سلبي مش هيقدر يرد عليه إلا بعد أما يثبت ملكية العيادة / المركز الطبي.

جوجل بتتحقق من صحة البيانات ال مستخدمين Google Local Guides دخلوها عن طريق تشجيع باقي المستخدمين على مراجعة بيانات الأماكن القريبة منهم، و ده بيقلل نسبة المعلومات الغلط بس مش بيضمن دقة المعلومات بنسبة 100%.

 

 بالإضافة ل Google My Business  ممكن الطبيب أو مدير العيادة / المركز الطبي يضيف العيادة / المركز الطبي ل YP.eg و BlShefa.com مجاناً عشان يوصل لمرضي أكتر ويحسن ترتيب الموقع الإلكتروني الخاص بالعيادة / المركز الطبي في نتايج محركات البحث.

 

أخر حاجه وهي مهمة جدا، لازم نتأكد ان المعلومات الأساسية للعيادة / المركز الطبي تبقى متطابقة على جميع الحسابات الخاصة بنفس الفرع.

المعلومات الأساسية على Google My Business  تبقي مطابقة للمعلومات الأساسية على YP.eg و BlShefa.com و صفحات مواقع التواصل الإجتماعي.

 

 

اقرأ أيضاً: خطوات إضافة عيادة / مركز طبى إلى Google My Business

اقرأ أيضاً: خطوات إضافة مركز طبي / عيادة خارجية إلى منصة بالشفا (BlShefa.com)