أدوات و إرشادات

ازاي مستندات جوجل بتسهل عملية كتابة المحتوى؟

كتابة محتوى

كتابة المحتوى الجيد بتاخد وقت، وفي بعض الأوقات المقالة بتتكتب على اكتر من مرة، خصوصاً لو كاتب المقالة مش متفرغ للكتابة. مشكلة عدم وجود الوقت الكافي للكتابة بتواجه الأطباء ال عندهم مدونات (Blogs) أو صفحات فيسبوك (Facebook Pages) بينشروا من خلالها محتوى الغرض منه زيادة الوعي الصحي للمرضى بتوعهم. فبعض الأطباء بيبدأ كتابة المقالة في ملف Word وبيكمل كتابتها أما تجيله فرصة، وبيبقى  في أوقات الطبيب بيبقى عنده وقت ممكن يستغله في استكمال كتابة المقالة لكن للأسف مش بيبقى معاه ملف ال Word ال بدأ كتابة المقالة فيه.

المشكلة دي ممكن تتحل عن طريق استخدام تطبيق مستندات جوجل (Google Docs) عشان ملفات مستندات جوجل بتتحفظ على Google Drive الخاصة بالمستخدم، فيقدر المستخدم يفتحها في أي وقت ومن أي جهاز.

 

ما هو تطبيق مستندات جوجل (Google Docs)؟  

تطبيق مستندات جوجل (Google Docs) هو تطبيق تحرير نصوص (Word Processor) زي Microsoft Word ،بيتميز عن Microsoft Word بأنه مجاني وبيشتغل عن طريق متصفح الانترنت (Web Browser) وبيحفظ الملفات على Google Drive ف بيمكن المستخدم من فتح وتعديل الملفات من أي جهاز متصل بالانترنت بالإضافة إلى حفظ جميع التغيرات بالملف تلقائياً بمجرد التوقف عن الكتابة، و بيتيح امكانية مشاركة الملفات مع الآخرين بمنتهى السهولة.

 

طريقة استخدام مستندات جوجل:

١- الدخول على مستندات جوجل ممكن يتم عن طريق https://docs.google.com/document/u/0 أو فتح جوجل والضغط على Google Apps  ثم Docs

الدخول على مستندات جوج

ولو ما لقيناش Docs، نضغط على More وأما نلاقيها، نضغط عليها Left Click ونسحبها (Drag) لفوق ونحطها في المكان ال احنا عايزينه


٢- انشاء ملف جديد بيتم عن طريق الضغط على علامة  ” + “


٣- اختيار اسم الملف

اسم الملف في مستندات جوجل


٤- بيتم حفظ الملف في Google Drive، لو عايزين نحفظه في Folder  في طريقتين:

      ١- الضغط على رمز المجلد (Folder) ال جنب اسم الملف ثم اختيار اسم المجلد (Folder) ثم Move here

مكان حفظ المستند في مستندات جوجل 1

 

      ٢- عن طريق File ثم Move to ثم اختيار اسم المجلد (Folder) ثم Move here

مكان حفظ المستند في مستندات جوجل 2


٥- اضافة ملحوظة بتتم عن طريق اختيار الكلمة / الجملة / السطر ثم الضغط على علامة ” + “

اضافة تعليق في مستندات جوجل


٦- مشاركة الملف بتتم عن طريق  Share ثم كتابة عنوان البريد الإلكتروني ثم اختيار الصلاحيات

مشاركة ملف في مستندات جوجل


٧- اقتراح تعديل في المقالة بيتم عن طريق اختيار Suggesting mode ثم القيام بالتعديل المقترح. التعديل هيظهر لكاتب المقالة كتعليق (Comment) ويقدر يقبله أو يرفضه

اقترح تعديل في مستندات جوجل


٨- معرفة عدد الكلمات المكتوبة بيتم عن طريق Tools ثم Word count أو عن طريق الضغط على Ctrl + Shift + C

معرفة عدد الكلمات في مستندات جوجل


٩- عمل نسخة من الملف بيتم عن طريق  File ثم Make a copy

عمل نسخة من ملف في مستندات جوجل


١٠- حفظ نسخة من الملف على جهاز PC/Laptop بيتم عن طريق File ثم Download as

حفظ نسخة من ملف في مستندات جوجل


١١- الكتابة بالصوت بتتم عن طريق Tools ثم Voice typing أو Ctrl + Shift + S  ثم أختيار اللغة

الكتابة بالصوت في مستندات جوجل


تطبيق مستندات جوجل (Android)

تطبيق مستندات جوجل لهواتف اندرويد


تطبيق مستندات جوجل (iOS)

تطبيق مستندات جوجل لهواتف أيفون

 


استخدام تطبيق مستندات جوجل في كتابة المحتوى ب يتيح امكانية الكتابة في أي وقت وأي مكان من أي جهاز PC/Computer متصل بالانترنت أو من تطبيق مستندات جوجل للأجهزة ال بتعمل بنظامي التشغيل Android و iOS.  وبيسهل عملية مشاركة الملفات والتعليق على أي جزء من المحتوى واقتراح اضافات أو تعديل للمحتوى بمنتهى السهولة.

 

روابط تحميل تطبيق مستندات جوجل (Google Docs) من Google Play Store و Apple App Store